TOShKENT, 2 dek — Sputnik. Kecha "Elections.uz-2016" press-klubidagi tadbirlarning mantiqiy davomi sifatida, “Wyelcome to Uzbekistan” nomli maxsus konsert dasturi hamda yurtimizning hududiy telestudiyalari tomonidan O‘zbek milliy oshxonasining eng sara taomlarining ko‘rgazmaviy namoishi tashkil etildi, deb xabar qilmoqda O‘zbekiston elektron ommaviy axborot vositalari milliy assotsiatsiyasi matbuot-xizmati.
Eslatib o‘tamiz, Toshkent shahrida jurnalistlar uchun tashkil etilgan press-klub o‘z faoliyatini davom ettirmoqda. Unda asosiy e’tibor siyosiy partiyalarning faoliyati va saylov jarayonidagi o‘rni hamda ishtirokiga qaratildi. Kun tartibidan press-klubning uchinchi va to‘rtinchi sessiyalari joy oldi.
