TOShKENT, 30 noya — Sputnik. Toshkent markazida, aniqrog‘i Yunusobod tumanida "Matiz" rusumidagi avtomobil yonib ketdi, deb xabar qilmoqda uz24.
Hodisa 29-noyabr kuni soat taxminan 23:00da Amir Temur shox ko‘chasida, sobiq "Qozog‘iston" kinoteatri yaqinida yuz bergan. "Hodisa to‘g‘risida xabar berayotgan vaqtimizda jabrlanuvchilar haqida ma’lumot yo‘q edi", — deb yozgan nashr.
Xabarda ta’kidlanishicha, hodisa yuz bergan joyda transport qatnovi vaqtinchalik chegaralangan.
Yong‘in sabablari aniqlashtirilmoqda. Hodisa joyida Favqulodda vaziyatlar vazirligi hamda YHXBB xodimlari ish olib borishgan.
