TOShKENT, 13-iyul — Sputnik. Mamlakatimizning Shanxay Hamkorlik Tashkilotidagi raisligi yakunlari hamon xorijlik ekspertlarning diqqat markazida turibdi. Masalan, Shanxay Xalqaro tadqiqotlar akademiyasi huzuridagi Markaziy Osiyo mamlakatlari tadqiqot markazi direktorining o‘rinbosari San Saoyun "Jahon" axborot agentligiga bergan intervusi chog‘ida ShHT taraqqiyotida O‘zbekiston tutgan o‘rin haqidagi o‘z fikr-mulohazalarini o‘rtoqlashgan.
"Tashkilotga a’zo davlatlar dunyo rivojlanishining tamoyillari yuzasidan mushtarak nuqtayi nazarlarga tayanishgani holda oldinga qo‘yilgan vazifalarning hal etilishi bo‘yicha kelishilgan yondoshuvlarni birgalikda izlashga tayyordirlar. ShHT doirasidagi hamkorlik o‘zaro ishonch, tenglik, madaniyatlar xilma-xilligiga hurmat bilan qarash, birgalikda ravnaq topishga intilish asosida amalga oshirilmoqda", deb ta’kidlagan ekspert.
San Saoyunnning fikricha, ushbu nufuzli tuzilma boy resurslarga hamda istiqbolli bozorlarga ega bo‘lgan a’zo davlatlarning iqtisodiy integratsiyasini yo‘lga qo‘yish borasida yangi imkoniyatlar eshigini ochgan va shu bois savdo-iqtisodiy aloqalar rivojlanishidagi salohiyat benihoya kattadir.
Ekspert O‘zbekistonning ShHTga a’zo bo‘lgan boshqa mamlakatlar, jumladan, Xitoy bilan samarali gumanitar hamkorligini alohida qayd etib o‘tgan.
