TOShKENT, 19 mar — Sputnik. Fuqaro aviatsiyasi bo‘yicha Dubay boshqarmasi va Dubay xalqaro aeroporti xizmati Flydubai aviakompaniyasiga qarashli layner halokati bilan bog‘liq savollarga javob berishdan bosh tortmoqda.
Eslatib o‘tamiz, Dubaydan qaytayotgan Boeing 737-800 layneri shanba kuni Moskva vaqti bilan 3:42da Rostov-Don aeroportida halokatga uchradi. Samolyot noqulay ob-havo sharoitlari tufayli aeroportning uchish-qo‘nish chizig‘idan chaproqda qulab tushgan.
"Ushbu reys Flydubai aviakompaniyasi tomonidan bajarilgan, shuning uchun aviahalokat bilan bog‘liq barcha savollarni kompaniyaga yo‘llash lozim. Hodisa bilan bog‘liq qo‘shimcha informatsiyaga ega emasmiz. Layner halokati bilan bog‘liq barcha ma’lumotlarni OAV orqali bilib olyapmiz", — deb javob qildi RIA Novostiga Dubay aeroporti vakili Gassan Axmaz.
