TOShKENT, 24 apr — Sputnik. Rossiya Federal xavfsizlik xizmati "Roskomnadzor" rahbariyatiga qarshi terroristik hujum tayyorlashda ishtirok etgan 7 nafar "o‘ng qanot" va neofashistik mafkura tarafdorlarini hibsga oldi.
"Moskva, Ufa, Novosibirsk va Yaroslavl shaharlarida o‘tkazilgan operatsiyalar natijasida Ukraina maxsus xizmatlari tomonidan Telegram messenjeri orqali yollangan yetti nafar o‘ng qanot va neofashistik mafkura tarafdorlari hibsga olindi", - deyiladi bayonotda.
FSB Jamoatchilik bilan aloqalar markazi xabar berishicha, Roskomnadzor rahbariyati va xodimlariga qarshi jinoyatlarning aybdorlari chet eldan muvofiqlashtirilgan yosh ruslar, jumladan, voyaga yetmaganlardir.
Ukraina maxsus xizmatlari Rossiyada amalga oshirilayotgan axborot xavfsizligi choralarini, jumladan, Telegramni blokirovka qilishni buzishga faol harakat qilmoqda. Ular ushbu messenjerdan sabotaj, terroristik, ekstremistik va kiber-firibgarlik jinoyatlari uchun foydalanadilar.
Eslatib o‘tamiz, "Roskomnadzor" Rossiya huquqni saqlash organlarining qonuniy talablarini bajarmagani, ko‘plab firibgarlik shantaj va boshqa noqonuniy faoliyatlarda foydalanilayotgani uchun Rossiya hududida Telegram messenjeri faoliyatini cheklashga qaror qilgan edi. 1-apreldan boshlab messenjer faoliyati Rossiya hududida to‘xtatilgan.