TOShKENT, 15 apr — Sputnik. "Shimol" qo‘shinlar guruhi bo‘linmalari Xarkov viloyatidagi Volchanskie Xutora aholi punkti ustidan nazorat o‘rnatdi. Bu haqda Rossiya Mudofaa vazirligi xabar berdi.
Vazirlik ma’lumotiga ko‘ra, hujum davomida 128-motoo‘qchi brigadaning hujum guruhlari joy relyefidan foydalanib aholi punktiga kirgan va u yerda mustahkamlangan. Bu esa qarshi tomonning oziq-ovqat hamda o‘q-dori yetkazib berish yo‘llarini to‘sib qo‘ygan.
Xabarda aytilishicha, uchuvchisiz tizimlar qo‘shinlari operatorlari havodan turib dronlarni boshqarish punktlari, qurol-yarog‘ va o‘q-dori saqlanadigan dala omborlarini aniqlab, ularga zarba bergan.
Shundan so‘ng, harbiylar o‘t ochish nuqtalarini bostirib, Ukraina Qurolli kuchlari pozitsiyalarini egallagan va hududni minalardan tozalash ishlarini boshlagan.
Ta’kidlanishicha, "Shimol" qo‘shinlar guruhi bo‘linmalari Sumi va Xarkov viloyatlarida xavfsizlik zonasini kengaytirishni davom ettirmoqda. Rossiya Mudofaa vazirligi ular har kuni Ukraina Qurolli kuchlari mudofaasining ichkarisiga siljib borayotganini bildirgan