Toshkentda Tamaraxonim tavalludining 120-yilligi nishonlandi

TOShKENT, 30 mar — Sputnik. Alisher Navoiy nomidagi Davlat akademik katta teatrida atoqli san’atkor Tamaraxonimning 120-yilligiga bag‘ishlangan konsert bo‘lib o‘tdi.Bu haqda Sputnik O‘zbekiston muxbiri xabar berdi.

Konsert O‘zbekiston Madaniyat va san’atni rivojlantirish jamg‘armasi tashabbusi bilan tashkil etildi. Tadbir O‘zbekiston, Rossiya va Tojikiston san’atkorlari, raqqoslar va sozandalarni birlashtirdi.

V Tashkente otmetili 120-letie so dnya rojdeniya Tamari Xanum

Unda M.Turg‘unboyeva nomidagi “Bahor” davlat raqs ansambli, Alisher Navoiy nomidagi DABT san’atkorlari, “Shodlik” ashula va raqs ansambli, O‘zbekiston davlat filarmoniyasi, O‘zbekiston davlat konservatoriyasi yoshlar xori, N.S.Nadejdina nomidagi “Berozka” davlat akademik xoreografiya ansambli (Rossiya) va Tojikiston davlat filarmoniyasi ishtirok etdi.

V Tashkente otmetili 120-letie so dnya rojdeniya Tamari Xanum

Kecha dasturidan xalq raqslari va musiqiy asarlar, jumladan, Tamaraxonim repertuaridan namunalar o‘rin oldi. Barcha chiqishlar hujjatli xronikalar hamda san’atkorning hayoti va ijod yo‘lidagi muhim bosqichlar haqidagi hikoyalar bilan uyg‘unlashtirildi.

Konsertda Tamaraxonimning nabirasi, rassom va haykaltarosh Aydan Salohova hamda chevaralari ishtirok etdi.

"Tamaraxonim men hayotda ko‘rgan eng quvnoq inson edi. Kichkinaligimda sahna ortida ko‘p bo‘lardim va uning barcha raqslarini ko‘rardim", - dedi Salohova jurnalistlar bilan suhbatda.

Shuningdek, u Tamaraxonim an’analari va maktabi davom etishiga umid bildirganini ta’kidladi.

Tamaraxonim uy-muzeyi ilmiy xodimi Shoista Aliyeva ham o‘z xotiralari bilan o‘rtoqlashdi.

V Tashkente otmetili 120-letie so dnya rojdeniya Tamari Xanum

"Men Tamaraxonimning o‘zi bilan ishlaganman. Hozirda rekonstruksiya qilinayotgan muzeyni birgalikda ochdik, uni 18-may kuni ochishni rejalashtirmoqdamiz. Butun dunyoda Tamaraxonimdek shaxs yo‘q va bu bizning yutug‘imiz, uni asrab-avaylashimiz kerak", - dedi u.

Tamaraxonim ijodi musiqa va raqs birligining ramziga aylangan, jahon xalqlari asarlarini qamrab olgan boy repertuari esa milliy madaniyatni xalqaro maydonda targ‘ib qilishda muhim o‘rin tutgan.

"Bu sanani minnatdorlik bilan, yorqin nishonlayotganimiz juda yaxshi. Chunki Tamaraxonim - afsonaviy ayol. U nafaqat raqqosa, balki o‘zbek san’atining shakllanishi va yuksalishiga ulkan hissa qo‘shgan buyuk madaniyat arbobidir. U Marg‘ilonda, arman oilasida tug‘ilib, o‘zbek xalqining kodini, DNKsini o‘ziga singdirdi va mamlakatimizni butun dunyoga mashhur qildi", - deya konsertdan so‘ng o‘z taassurotlari bilan o‘rtoqlashdi taniqli jurnalist Elmira Tuxvatullina.

Tamaraxonim yordami bilan Ikkinchi jahon urushi paytida qanday qilib tank yasashgan

8 May 2022, 22:05