TOShKENT, 25 mar – Sputnik. Rossiya Qurolli kuchlarining “Janub” qo‘shinlar guruhi bo‘linmalari faol va qat’iy harakatlar natijasida Donesk Xalq Respublikasidagi Nikiforovka aholi punktini nazoratga oldi. Bu haqda RF Mudofaa vazirligi xabar berdi.
Vazirlik ma’lumotiga ko‘ra, DXRning Drujkovka, Konstantinovka, Ray-Aleksandrovka, Lipovka, Bilbasovka, Novoselovka, Kramatorsk, Nikolayevka va Slavansk aholi punktlari hududlarida Ukraina Qurolli kuchlarining yettita mexanizatsiyalashgan, aeromobil, hujumchi, motopiyoda va tog‘-hujum brigadalari yakson qilingan.
Xabarda aytilishicha, Ukraina tomoni 200 nafargacha harbiy xizmatchisi, uchta zirhli jangovar mashinasi, 10 ta avtomobili va sakkizta dala artilleriyasi qurolidan ayrilgan. Ular orasida NATO davlatlarida ishlab chiqarilgan ikkita artilleriya quroli ham bor.
Shuningdek, Ukraina armiyasining uchta radioelektron kurash stansiyasi, uchta o‘q-dori ombori va bir yoqilg‘i ombori yo‘q qilingan.