Oltin va mebel o‘rniga 800 ta kitob: andijonlik kelinning g‘ayrioddiy sepi

TOShKENT, 16 mar — Sputnik. Andijonlik Nasibaxon Ibrohimovaning kuyovning uyiga 800 ta kitob yuborgani haqidagi xabarlar ijtimoiy tarmoqlarda keng muhokama qilindi.

Sputnik O‘zbekiston muxbiri qiz va uning oilasini yangi qarindoshlariga an’anaviy sep — oltin, mebel va chiroyli kostumlar emas, balki kitoblar to‘plamini yuborishga nima undaganini aniqlashga qaror qildi.

Nasibaxon va Mirjalolning muhabbat tarixi uch yil avval boshlangan. O‘sha paytda Nasibaxon Andijon davlat universitetida, Mirjalol esa Jahon iqtisodiyoti va diplomatiya universitetida tahsil olardi. Bo‘lajak kelin-kuyov Yoshlar ishlari agentligi tomonidan o‘tkazilgan kitobxonlar tanlovida tanishib, vaqt o‘tishi bilan ular o‘rtasida do‘stlik rishtalari bog‘landi.

800 knig: nevesta iz Andijana otpravila jenixu neobichnoe pridannoe

"Mirjalol kitoblar qurshovida ulg‘aygan. Er-xotin har yili yozda bolalarini Qarshi shahridagi kitob do‘koniga olib borar, bolalar o‘zlariga yoqqan kitobni o‘zlari tanlar edilar. Oilaning to‘ng‘ich farzandi bo‘lgan Mirjalol har doim bir nechta kitoblarni olib, keyinchalik ukalari bilan birga o‘qirdi. Kitobga mehr uyg‘otar ekanmiz, o‘g‘limiz o‘z hayotini kitob bilan bog‘lashga qaror qiladi, deb o‘ylamagandik. Kitoblar uning poytaxtdagi oliy o‘quv yurtiga o‘qishga kirishi va uni tugatishi, turmush o‘rtog‘ini uchratishi va o‘ziga yoqadigan ish topishiga yordam berdi", - deydi Ko‘kdala tumanida tug‘ilgan kuyovning onasi Mehri Diyorova.

Nasibaxon qaynonasining tan olishicha, u bolaligidanoq to‘rt o‘g‘liga tilla taqqan kelin kerak emasligini aytib kelgan.

"Oilaning kelajagi kelinlarga bog‘liq. Menga esa nevara-chevaralarimning bilimli bo‘lishi muhim", - deya e’tirof etadi kasbi shifokor bo‘lgan Mehri Diyorova.

Oltinchi sinfda Mirjalol o‘z puliga sinfdoshidan “Yulduzli tunlar” kitobini sotib olgan, shundan so‘ng u shaxsiy kutubxonasini yaratishga jiddiy kirishgan. Aytishicha, mazkur asar unga shu qadar kuchli ta’sir qilganki, hatto ukasiga kitob muallifi sharafiga Bobur deb ism qo‘yishni iltimos qilgan.

Vaqt o‘tishi bilan uning kutubxonasida 700 taga yaqin kitob jamlandi.

O‘tgan yili Mirjalol ota-onasiga orzusidagi qizni uchratganini aytgan. Onasi bo‘lajak kelinining kitobga bo‘lgan mehrini bilib, darhol ularga sepi emas, aynan kitoblar kerakligini aytgan.

Nasibaxon Ibroximova v kachestve pridanogo otpravila v dom jenixa 800 knig

"Kitoblar ortilgan mashina 16 soat yurdi. Ularni bir joyga to‘plab, 1,5 ming kitobdan iborat salmoqli kutubxonaga ega bo‘ldik. Aytgancha, to‘y o‘tgan yilning avgust oyida bo‘lib o‘tdi", - deya ta’kidladi Nasibaxonning qaynonasi.

Yosh kelin-kuyov joriy yilning 8-mart kuni kengroq tanildi. Mahalliy blogerlardan biri Zulfiya mukofotiga nomzodlar qatorida bo‘lgan Nasibaxon haqida kichik lavha tayyorladi. U mukofot olmagan bo‘lsa-da, umidsizlikka tushmagan va kelgusi yilda yana o‘z kuchini sinab ko‘rishni rejalashtirmoqda.

Bugun kelin-kuyov Toshkentda yashaydi. Ikkalasi ham kitob do‘konida ishlaydi va kitob mahsulotlari onlayn-do‘konini rivojlantirish bilan shug‘ullanadi. Ingliz tilini mukammal biladigan, IELTS sertifikatiga ega Mirjalol kelajakda kitob tarjimasi bilan shug‘ullanishni rejalashtirmoqda.

800 knig: nevesta iz Andijana otpravila jenixu neobichnoe pridannoe

Nasibaxon ham o‘z ustida ishlashni davom ettirib, Yunus Rajabiy nomidagi O‘zbek milliy musiqa san’ati instituti magistraturasiga o‘qishga kirishga tayyorgarlik ko‘rmoqda.

Ta’kidlash joizki, qiz Alisher Navoiy nomidagi stipendiya sohibi bo‘lgan, shuningdek, Tumen davlat universitetida bir oylik stajirovka o‘tab, u yerda Rossiya musiqa madaniyatining o‘ziga xos jihatlarini o‘rgangan.

Shuningdek, yosh kelin-kuyovlarning rejalarida Qashqadaryoda xususiy bolalar bog‘chasi va kitob do‘koni ochish bor.

Metroda kitob mutolaasi: Toshkentda yangi loyiha yo‘lga qo‘yildi

6 Noyabr 2025, 17:01

Kitobga mehr sabab boshlangan muhabbat qissasi: “800 kitob”li kelin xonadonidan intervyu