O‘zbek tilini o‘rganib, O‘zbekistonni sevib qolgan rossiyalik kimyo o‘qituvchisi hikoyasi

19:19, 4-Mart 2026
O‘qituvchining tan olishicha, bu mamlakat uning uchun shunchaki ish joyidan ko‘ra ko‘proq ahamiyat kasb etgan – bu yerda u xalqaro loyiha doirasida o‘z kuchini sinab, hamkasblari bilan tajriba almashish imkoniga ega bo‘ldi.
Sputnik
TOShKENT, 4 mar — Sputnik. To‘rt yil muqaddam Dashinima Renchin-Nemayev Sankt-Peterburgdan O‘zbekistonga kelgan. U uch yil davomida Xorazm viloyatining Urganch shahrida kimyo fanidan dars berdi. Bugungi kunda esa Toshkent shahridagi 191-sonli umumta’lim maktabida ishlamoqda. Bu haqda Sputnik O‘zbekiston muxbiri xabar bermoqda.
Renchin-Nemayev – “Xorijdagi rossiyalik o‘qituvchi” hamda “Zo‘r!” loyihalari ishtirokchisi. Pedagogning tan olishicha, bu mamlakat u uchun shunchaki ish joyidan ko‘ra ko‘proq ahamiyat kasb etgan – bu yerda xalqaro loyiha doirasida o‘z kuchini sinab, hamkasblari bilan tajriba almashish imkoniga ega bo‘ldi.

“Xorijdagi rossiyalik o‘qituvchi”loyihasi Rossiya Maorif vazirligi Xalqaro hamkorlik markazi hamkor mamlakatlarning sohaga oid vazirliklari bilan birgalikda amalga oshirilmoqda.

O‘qituvchining aytishicha, u O‘zbekistonda ta’lim muassasalari, xalq ta’limi boshqarmasi, hamkasblari va o‘quvchilar tomonidan jiddiy qo‘llab-quvvatlashni darhol his qilgan.

“Loyiha rivojlanib, kengayib bormoqda. Biz hamkasblarimiz bilan Rossiya va O‘zbekiston o‘rtasidagi do‘stlikni, fan va madaniyat sohalaridagi hamkorlikni, shuningdek, rus tilining millatlararo va madaniyatlararo muloqot tili sifatidagi mavqesini mustahkamlash uchun barcha sa’y-harakatlarni qilmoqdamiz”, — deydi u.

Pedagog mamlakatning madaniy xususiyatlari haqida ayniqsa iliq so‘zlarni aytadi.

“Bu yerda oilaviy qadriyatlar juda kuchli. Oilaviy qadriyatlar juda muhim, chunki oila muqaddasdir. Aytishim mumkinki, bu yerdagi bolalar ham, xuddi butun dunyodagi barcha bolalar kabi, juda qiziquvchan: Rossiyada qanday bo‘lsa, O‘zbekistonda ham shunday”, — deb ta’kidlaydi u.

O‘quvchilar ustozning darslariga mamnuniyat bilan qatnashib, ularda faol ishtirok etishadi.

“Metodikalar ancha ko‘p. Albatta, biz Rossiyadagi mavjud metodikalarga tayanamiz. Aynan mahalliy hamkasblarimiz bilan hamkorlikda qo‘llaydigan shakl va usullarimiz muhim – biz ulardan o‘zlari foydalanadigan qiziqarli ilmiy yondashuvlarni o‘zlashtiramiz”, — deydi Renchin-Nemayev.

O‘qituvchi to‘rt yil ichida deyarli butun O‘zbekistonni aylanib chiqdi va o‘zbek tilini o‘rgandi: Urganchda Xorazm shevasini, poytaxtda esa Toshkent lahjasini o‘zlashtirdi.
“Bu men uchun muhim, negaki biz muloqot o‘rnatmoqdamiz va ishlayotgan hududimizdagi xalqning madaniyati va tilini bilishimiz va tushunishimiz lozim”, — deydi u.
Pedagog O‘zbekistonda istiqbolli yoshlar ko‘pligiga ishonadi. Uning shogirdlari ma’rifiy tadbirlarda muntazam qatnashib turadi. Masalan, yaqinda ular Toshkentdagi Rus uyida O‘zbekiston ilm-fani tarixiga hissa qo‘shgan mashhur olimlar haqida ma’ruzalarni taqdim etishdi.

"Shuningdek, yaqinda Dmitriy Ivanovich Mendeleyev nomidagi Rossiya kimyo-texnologiya universitetining Toshkent filialida Mendeleyev o‘qishlarini ham o‘tkazdik", — deydi u.

Yaqinda 191-sonli maktabning to‘qqizinchi sinf o‘quvchisi va Renchin-Nemayevning shogirdi David Murzin sportdagi jarohatlar bo‘yicha tadqiqoti bilan “Innovatsion rivojlanish strategiyalari” tanlovida g‘olib bo‘ldi. Unga diplomni Rossiya strategiya maktabi asoschisi, akademik Vladimir Kvint topshirdi.
“Loyihamning g‘oyasi har bir o‘quvchi uchun u bajara oladigan mashg‘ulotlar tizimini individual tarzda ishlab chiqishdir. O‘quvchini toliqtirib qo‘ymaslik uchun u nimalarni bajara oladivanimalarni yo‘q,aniqlashkerak bo‘ladi”, — deydi maktab o‘quvchisi.
Tanlov g‘oliblari qatorida maktabning yana bir o‘quvchisi Akmal Xabirov ham bor. U “EkoDoira: barqaror kelajak maktabi”loyihasini taqdim etdi. Yosh ixtirochining loyihasiga maktab direktori Shoira Bagirova rahbarlik qilgan.
191-sonli maktab “Vladimir Kvint nomidagi yosh strateglar maktabi”loyihasida uch yildan beriishtirok etmoqda. O‘quvchilar Rossotrudnichestvo huzuridagi“Kichik akademiya”doirasida tayyorlanadi.
“Uch yildan beri o‘quvchilarimiz xalqaro tanlovlarda qatnashib kelmoqda. Bu tanlovlarda nafaqat Rossiya, balki O‘zbekiston, Xitoy va boshqa mamlakatlar ham ishtirok etadi”, — deydi Shoira Bagirova.
Uning so‘zlariga ko‘ra, maktab o‘quvchilari ta’lim muassasasiga shu paytgacha to‘rt marta tashrif buyurgan Vladimir Kvintning asarlarini qiziqish bilan o‘rganmoqda.
“U o‘quvchilarimiz bilan mamnuniyat bilan uchrashib turadi. Maktabimizga to‘rt marotaba tashrif buyurgan va har safar bu uchrashuvlar o‘quvchilarimiz hamda o‘qituvchilarimiz qalbida katta, unutilmas taassurot qoldiradi. Chunki u nihoyatda bilimdon inson, strategiya fanining otasi, desak ham mubolag‘a bo‘lmaydi. U o‘quvchilarimizga maktabdanoq strategik fikrlashni qanday rivojlantirishni o‘rgatadi”, — deydi u.
Xorijdagi rus maktablari assotsiatsiyasi tarkibidagi 191-sonli umumta’lim maktabi O‘zbekiston va Rossiyaning ta’lim sohasidagi samarali hamkorligining yorqin namunalaridan biridir. Bu hamkorlik o‘qituvchilarga o‘zaro tajriba almashish va madaniy aloqalarni kengaytirish imkonini beradi. Qolaversa, O‘zbekistonda faoliyat yuritayotgan rossiyalik pedagoglar o‘zbek mehmondo‘stligidan tobora ko‘proq bahramand bo‘lmoqda. Ulardan biri Dashinima Renchin-Nemayev O‘zbekiston – do‘stlik va tinchlik hududi ekaniga qat’iy ishonadi.
Matbuot markazi
Rossiya ta’lim usullari o‘zbekistonlik maktab o‘quvchilariga qanday yordam bermoqda — video
12 Avgust 2025, 13:02
ToshkentUrganchta’limrus tilimaktabVideo