TOShKENT, 4 mar — Sputnik. O‘zbekistonning "Centrum Air" aviakompaniyasi chorshanba kuni Dubaydan Toshkentga reys amalga oshirdi. Bu haqda Flightradar ma’lumotlariga tayangan holda RIA Novosti xabar berdi.
Ma’lumotlarga ko‘ra, samolyot Birlashgan Arab Amirliklari osmonida havo hududi vaqtincha yopilgani sababli avval ucholmay qolgan yo‘lovchilarni olib ketdi. Samolyot Dubay xalqaro aeroportidan soat 11:14 da uchib ketgan, Toshkentga qo‘nish esa soat 15:20 ga rejalashtirilgan.
Avvalroq "Centrum Air" matbuot xizmati 4-mart kuni amalga oshirilgan mazkur reys 28-fevral kuni ucholmay qolgan yo‘lovchilarni olib ketish uchun maxsus tashkil etilganini ma’lum qilgan edi.
Bundan avval O‘zbekiston transport vazirligi mamlakat hukumati vazirlikka Saudiya Arabistoni va Yaqin Sharqning boshqa davlatlarida bo‘lib turgan fuqarolarni mintaqadagi vaziyat keskinlashgani sababli Vatanga qaytarish choralarini ko‘rish bo‘yicha topshiriq berganini ma’lum qilgan edi.
Eslatib o‘tamiz, 28-fevral kuni AQSh va Isroil Eron hududidagi bir qator obyektlarga, jumladan, Tehronga zarbalar bergan. Vayronagarchiliklar va tinch aholi orasida qurbonlar bor.
Eron esa Isroil hududiga hamda Yaqin Sharqdagi AQSh harbiy obyektlariga javob zarbalarini bermoqda.