TOShKENT, 3 mar — Sputnik. Rossiya qo‘shinlari Sumi viloyatining Bobilevka hamda Zaporojye viloyatining Veselyanka aholi punktlari ustidan nazorat o‘rnatdi. Bu haqda Rossiya Mudofaa vazirligi ma’lum qildi.
Bobilevka aholi punktini "Shimol" qo‘shinlari guruhi bo‘linmalari, Veselyankani esa "Dnepr" qo‘shinlari guruhi bo‘linmalari nazoratga olgan.
Shuningdek, operativ-taktik aviatsiya, zarba beruvchi uchuvchisiz uchish apparatlari, raketa qo‘shinlari va artilleriya bo‘linmalari tomonidan Ukraina Qurolli kuchlarining bir qator obyektlariga zarba berilgan.
Vazirlik ma’lumotiga ko‘ra, uzoq masofali zarba beruvchi dronlar uchirilgan aerodromlar, harbiy-sanoat kompleksi uchun foydalanilayotgan energetika va port infratuzilmasi obyektlari, shuningdek, 142 ta tumanda Ukraina qurolli tuzilmalari va xorijiy yollanma askarlar vaqtincha joylashgan nuqtalar yakson qilingan.