TOShKENT, 26 fev — Sputnik. Yevropa Ittifoqi va ittifoqqa a’zo mamlakatlar rahbarlarining 24-fevral kuni Kiyevga qilgan tashrifi Ukrainaga quruq tasvir va takror-takror yangrayotgan shiorlardan boshqa hech narsa bermadi. Bu haqda Rossiya TIV rasmiy vakili Mariya Zaxarova ma’lum qildi.
“Joriy yilning 24-fevralida Kiyevga navbatdagi rusofobik desant tashrif buyurdi. Unga Yevropa Ittifoqi Kengashi raisi Antoniu Koshta, Yevrokomissiya rahbari Ursula fon der Lyayen, shuningdek, Shimoliy Yevropa, Boltiqbo‘yi davlatlari va Xorvatiya rahbariyati vakillari kirdi. Ularning tashrifi Ukraina olib borayotgan, o‘zlari ta’biri bilan aytganda, "adolatli kurash"ga sodiqlikni namoyish etish sifatida taqdim etildi”, — dedi Zaxarova brifingda.
Uning so‘zlariga ko‘ra, bu tashrif Brussel tomonidan Rossiyaga qarshi 20-paket sanksiyalar qabul qilinishi va “harbiy kredit” deb atalgan mexanizmni ishga tushirish kabi aniq qadamlar bilan mustahkamlanishi rejalashtirilgan edi.
“Ammo natijada quruq tasvir va balandparvoz shiorlardan boshqa hech narsa kuzatilmadi. Hech kim aniq javob eshitmadi. Zelenskiy ham Ukrainaning Yevropa Ittifoqiga qachon a’zo bo‘lishi haqida ravshan pozitsiyani eshitmadi”, — deya ta’kidladi Rossiya TIV rasmiy vakili.