TOShKENT, 25 fev — Sputnik. O‘zbekiston hukumati tashabbusi bilan xorijdagi vatandoshlar uchun keng ko‘lamli iftorlik tadbirlari tashkil etilmoqda. Bu haqda Tashqi ishlar vazirligi matbuot xizmati xabar qildi.
Joriy yilda tashabbus 10 ta mamlakat va 50 tadan ortiq shaharni qamrab oladi. Tadbirlar xorijda mehnat qilayotgan, ta’lim olayotgan va doimiy yashab kelayotgan o‘zbekistonliklarni birlashtirishga qaratilgan.
Xususan, Rossiyaning 20 ta va AQShning 10 ta shahrida iftorliklar o‘tkazilishi rejalashtirilgan. Ayrim shaharlarda tadbirlar vatandoshlar homiyligida ham tashkil etiladi.
Iftari dlya uzbekistansev za rubejom proydut v bolee chem 50 gorodax vo vremya Ramadana
© Ministerstvo inostrannix del
Iftorliklar O‘zbekistonning xorijdagi diplomatik vakolatxonalari orqali O‘zbekiston musulmonlari idorasi va Din ishlari bo‘yicha qo‘mita bilan hamkorlikda o‘tkazilmoqda.
Uchrashuvlarda ulamolar va imom-xatiblar ishtirokida islom dinining insonparvarlik mohiyati, milliy qadriyatlarga sadoqat va vatandoshlarni ma’naviy qo‘llab-quvvatlash masalalari muhokama qilinadi.
Tadbirlarning asosiy maqsadi xorijdagi fuqarolar, ayniqsa mehnat migrantlari va talabalarni ma’naviy jihatdan qo‘llab-quvvatlash hamda ularning vatan bilan bog‘liqligini mustahkamlashdan iborat.