TOShKENT, 19 fev — Sputnik. Rossiya Mudofaa vazirligi Sumi viloyatidagi Xarkovka aholi punkti ustidan nazorat o‘rnatish operatsiyasi tafsilotlarini ma’lum qildi.
Vazirlik xabariga ko‘ra, qishloq ustidan nazorat 80-alohida motoo‘qchi brigadasining hujum guruhlari tomonidan qat’iy harakatlar natijasida o‘rnatilgan.
Qayd etilishicha, asosiy hujumdan oldin tunda optik tolali uchuvchisiz uchish apparatlari hamda mobil minomot guruhlari dushman pozitsiyalari bo‘ylab faol ishlagan.
Shuningdek, hujumchi bo‘linmalar himoyalangan aloqa vositalari va qishki maskirovka kiyimlaridan foydalangan holda yashirincha yaqinlashgan va dushman qarshiligini tezda bostirgan.
Mudofaa vazirligi ma’lumotiga ko‘ra, “Shimol” qo‘shinlari guruhi bo‘linmalari Sumi va Xarkov viloyatlari chegara hududlarida xavfsizlik hududini kengaytirishda davom etmoqda.
Sumi viloyatidagi Xarkovka kecha ozod qilingani ma’lum bo‘lgandi.