TOShKENT, 2 fev — Sputnik. 17 fevral kuni soat 14:00 da Sputnik O‘zbekiston multimedia matbuot markazida "O‘zbekistonda ijtimoiy sug‘urta: homiladorlik, tug‘ish va vaqtincha kasallik bo‘yicha to‘lovlarning yangi qoidalari — nimalar o‘zgardi?" mavzusida matbuot anjumani bo‘lib o‘tadi.
Ishtirokchilar:
Sog‘liqni saqlash vazirligi bosh mutaxassisi Olimjon QOSIMOV;
Toshkent shahar Yashnobod tumani tibbiyot birlashmasi boshlig‘ining o‘rinbosari Galina DURMANOVA;
Ijtimoiy himoya milliy agentligi Ijtimoiy to‘lovlar boshqarmasi bosh mutaxassisi Dilshodxon MUXAMEDJANOVA;
Kambag‘allikni qisqartirish va bandlik vazirligi Mehnatga haq to‘lash metodologiyasi bo‘limi boshlig‘i Feruza ZULUNOVA;
Kambag‘allikni qisqartirish va bandlik vazirligi Mehnatga haq to‘lash metodologiyasi bo‘limi bosh mutaxassisi Zebiniso XAMRAEVA;
Soliq qo‘mitasi Soliq solish bo‘yicha maslahat berish bo‘limi boshlig‘i Ismatullo SEVINChEV.
Vazirlar Mahkamasining 2025-yil 17-dekabrdagi "Aholiga davlat ijtimoiy sug‘urtasi bo‘yicha to‘lovlarni amalga oshirish tizimini takomillashtirishning qo‘shimcha chora-tadbirlari to‘g‘risida"gi qaroriga muvofiq, 2026-yil 1-yanvardan boshlab homiladorlik va tug‘ish hamda vaqtincha mehnatga layoqatsizlik (kasallik) nafaqalarini to‘lash tartibi o‘zgardi.
Matbuot anjumanida davlat ijtimoiy sug‘urtasi bo‘yicha to‘lovlarning yangi tizimi qanday ishlashi va amaliyotda qanday qo‘llanilishi tushuntirib beriladi.
Ishtirok etish uchun jurnalistlar taklif etiladi. Batafsil ma’lumot va ro‘yxatdan o‘tish uchun:
Telefon: +998 97 190 71 78
Telegram: @alisherakimbaev
Elektron pochta: a.akimbaev@sputniknews.com
Matbuot markazi produseri: Alisher Akimbayev