TOShKENT, 10 fev — Sputnik. O‘zbekiston investitsiyalar, sanoat va savdo vaziri Laziz Kudratov Osiyo infratuzilmaviy investitsiyalar banki (OIIB) prezidenti Szou Szai bilan rasmiy uchrashuvni o‘tkazdi.
Tomonlar 2030-yilgacha hamkorlikning ustuvor yo‘nalishlarini muhokama qildi. Ular orasida:
xususiy sektor uchun suveren bo‘lmagan moliyalashtirishni kengaytirish;
DXSh loyihalarini qo‘llab-quvvatlash;
“yashil” energetikani rivojlantirish;
“Qashshoqlikdan farovonlik sari” dasturini amalga oshirish.
Qayd etilishicha, O‘zbekiston OIIBning mintaqadagi eng yirik hamkori bo‘lib, bankning Markaziy Osiyodagi operatsiyalarining 51 foizi mamlakat hissasiga to‘g‘ri keladi. Global miqyosda esa respublika operatsiyalar hajmi bo‘yicha 6-o‘rinni egallaydi.
Qo‘shma loyihalar portfeli 7 milliard dollardan oshgan. 2024-yilda Samarqand shahrida OIIB Boshqaruvchilar kengashining 6-yillik yig‘ilishi o‘tkazilgan.
Ma’lumot uchun, OIIB 2016-yilda faoliyat boshlagan bo‘lib, bugungi kunda 110 ta a’zo mamlakatni birlashtirgan xalqaro moliya instituti hisoblanadi. Bankning ustav kapitali 100 milliard dollarni tashkil etadi. Qarorgohi Pekin shahrida joylashgan. Eng yirik aksiyadori — Xitoy.