TOShKENT, 9 fev — Sputnik. O‘zbekiston tashqi ishlar vaziri Baxtiyor Saidov Rossiyaning O‘zbekistondagi elchisi Aleksey Yerxov bilan uchrashuv o‘tkazdi. Bu haqda Tashqi ishlar vazirligi matbuot xizmati xabar berdi.
Suhbatda O‘zbekiston–Rossiya munosabatlarining o‘tgan yildagi natijalari va 2026-yilga mo‘ljallangan rejalar muhokama qilindi.
Tomonlar qator sohalarda ijobiy dinamika kuzatilayotganini qayd etdi. Jumladan, 2025-yilda o‘zaro savdo aylanmasi 11 foizga oshgan.
Qayd etilishicha, joriy yil kun tartibi ikki va ko‘p tomonlama tadbirlarga boy.
Ma’lumot uchun, Aleksey Yerxov 2025-yil 5-sentabrda Rossiya prezidenti Vladimir Putin farmoni bilan O‘zbekistondagi elchi etib tayinlangan. U bundan oldin 2017-yildan Rossiyaning Turkiyadagi elchisi lavozimida ishlagan.