TOShKENT, 1 fev — Sputnik. 20 yanvar kunidan boshlab IIV hamda DXX hamkorligida maxsus tezkor tadbirlar o‘tkazilmoqda. Bu haqda IIV matbuot xizmati xabar berdi.
Ma’lum qilinishicha, krimenogen vaziyatni barqarorlashtirish, uyushgan jinoyatchilik va giyohvand moddalar aylanmasiga chek qo‘yish maqsadida 2600 dan ortiq maxsus tezkor tadbirlar amalga oshirilgan. Tadbirlar doirasida 18 ta uyushgan jinoiy guruhning noqonuniy faoliyati bartaraf etilgan, shuningdek, 51 ta guruh tarkibida sodir etilgan jinoyatlar ham fosh etilgan.
Qayd etilishicha, ayrim sportchilar ham bunday jinoiy guruhlarga qo‘shilib qolgan.
Uyushgan guruhlar tomonidan:
45 ta tovlamachilik;
8 ta talonchilik va bosqinchilik;
42 ta qimorxona tashkil etish;
odam savdosi va fohishaxona saqlash bilan bog‘liq 386 ta jinoyat sodir etilgani aniqlangan.
45 ta tovlamachilik;
8 ta talonchilik va bosqinchilik;
42 ta qimorxona tashkil etish;
odam savdosi va fohishaxona saqlash bilan bog‘liq 386 ta jinoyat sodir etilgani aniqlangan.
Ular o‘z maqsadlari yo‘lida qariyb 1000 dona beysbol bitalari, kastet, o‘tkir tig‘li jismlar va boshqa turdagi sovuq qurollardan foydalanishga uringan.
Tezkor tadbirlar davomida 108 ta holatda o‘q-otar qurollarni noqonuniy saqlash holatlari fosh etilgan. Jami 104 dona turli xil qurol, 987 dona o‘q-dori va 1,5 kg portlovchi moddalar muomaladan olingan.
Shuningdek, giyohvandlik, psixotrop vositalar va kuchli ta’sir qiluvchi dorilarning noqonuniy aylanmasi bilan bog‘liq 951 ta holat aniqlangan. Ushbu holatlar yuzasidan 527 ta jinoyat ishi qo‘zg‘atilgan, 30 ta holatda ma’muriy ish yuritilgan. Tadbirlar davomida 123 kg giyohvandlik vositalari hamda 57 013 dona psixotrop va kuchli ta’sir qiluvchi dorilar muomaladan olingan.