TOShKENT, 28 yanv — Sputnik. AQSh Ukrainadagi mojaroni hal qilish bo‘yicha muzokaralar uchun 15-maygacha so‘nggi muddat belgilagan. Aks holda Vashington jarayondan chiqib ketishi mumkin. Bu haqda Ukraina Oliy Rada deputati Aleksey Goncharenkoga* tayangan holda RIA Novosti xabar berdi.
"AQSh muzokaralar uchun dedlaynni belgiladi - 15-may... Agar kelisha olmasak, ular muzokara jarayonidan chiqib ketishadi va mavzudan butunlay uzoqlashishadi. Sababi: noyabrdagi saylovlar. Agar bu saylovlarga hal qilinmagan mojaro bilan yondashilsa, respublikachilar demokratlar uchun nishon bo‘ladi", - deb yozdi ukrainalik deputat o‘z Telegram-kanalida.
Avvalroq AQSh ma’muriyati Ukraina bo‘yicha reja ishlab chiqayotganini ma’lum qilgan edi. Kreml esa Rossiya muzokaralarga ochiqligini saqlab qolishini bildirgan.
Shuningdek, Rossiya prezidentning maxsus vakili Kirill Dmitriyev dekabr oyida AQSh vakillari bilan uchrashuv o‘tkazgani xabar qilingan.
Rossiya prezidenti matbuot kotibi Dmitriy Peskov ham Kiyev rejimi qaror qabul qilishi va muzokaralarni boshlashi kerakligini, Kiyevning qaror qabul qilish erkinligi uchun maydon RF Qurolli kuchlarining hujum harakatlari davomida qisqarayotganini va bu Kiyevdagi rejimni masalani tinch yo‘l bilan hal qilishga majburlash ekanligini, davom ettirish esa Kiyev uchun ma’nosiz va xavfli ekanligini aytdi.
* Aleksey Goncharenko Rossiyada terrorchi va ekstremistlar ro‘yxatiga kiritilgan