TOShKENT, 27 yanv — Sputnik. Rossiya Mudofaa vazirligi xabariga ko‘ra, Rossiya Qurolli kuchlari Xarkov viloyatidagi Kupansk-Uzlovoy hamda Zaporojye viloyatidagi Novoyakovlevka aholi punktlarini nazoratga olgan.
Vazirlik ma’lumotiga ko‘ra, “G‘arb” qo‘shinlari guruhi hujum harakatlari natijasida Kupansk-Uzlovoy, “Dnepr” qo‘shinlari guruhi esa Novoyakovlevka aholi punktini nazoratga olgan.
Avvalroq Rossiya Qurolli kuchlari Bosh shtabi boshlig‘i Valeriy Gerasimov 20-armiya bo‘linmalari Drobishevo, Yarovaya va Sosnovoe aholi punktlaridagi turar-joy binolarining 90 foizdan ortig‘i nazoratga olingani haqida ma’lum qilgan edi.