TOShKENT, 18 yanv — Sputnik. 2025 yilda Qozog‘istonda temir yo‘l orqali yuklar tranziti 20 foizdan ko‘proqqa o‘sib, 33 million tonnani tashkil etdi, eksport tashish hajmi esa 89 million tonnadan oshdi. Bu haqda Qozog‘iston temir yo‘llari (QTJ) boshqaruvi raisi Talgat Aldibergenov Qasim-Jomart Toqayevga taqdim etgan ma’lumotida qayd etildi.
Shuningdek, kompaniya rahbari prezidentga QTJning 2025-yil yakunlari bo‘yicha hisobotida quyidagilarni ma’lum qildi:
tarif yuk aylanmasi 10 foizga oshib, 289 milliard tonna-kilometrni tashkil etdi;
tashish hajmi 5,5 foizga o‘sib, 320 million tonnaga yetkazildi;
2025 yilda foydalanishga topshirilgan “Do‘stlik — Mo‘yenti” yo‘nalishidagi ikkinchi yo‘llar orqali 6 million tonna yuk, yoki 100 mingdan ortiq vagon tashildi;
amalga oshirilayotgan temir yo‘l loyihalarining umumiy uzunligi 3 900 kilometrni tashkil etadi.
Qozog‘iston prezidenti mamlakatni yirik transport-logistika xabiga aylantirish zarurligini bir necha bor ta’kidlab kelgan. Joriy yilda Qozog‘iston Yevroosiyo iqtisodiy ittifoqiga raislikni qabul qildi. Davlat rahbari avvalroq ittifoq jahon transport-logistika markazi sifatida shakllanish salohiyatiga ega ekanini bildirgan.