TOShKENT, 15 yanv — Sputnik. Yevroosiyo iqtisodiy ittifoqi (YeOII) hududidan tashqariga qo‘rg‘oshin va qo‘rg‘oshin chiqindilarini ruxsatnoma (litsenziya) tartibida eksport qilishni yana 6 oyga uzaytirildi. Rossiya hukumatining tegishli qarori e’lon qilindi.
Qarorga ko‘ra, Rossiyadan YeOII bojxona hududidan tashqariga:
qo‘rg‘oshin chiqindilari va lomlari,
qayta ishlanmagan qo‘rg‘oshin hamda uni o‘z ichiga olgan qotishmalar
eksporti ruxsatnoma (litsenziya) asosida amalga oshiriladi.
eksporti ruxsatnoma (litsenziya) asosida amalga oshiriladi.
Litsenziyalash tartibi qaror kuchga kirgan kundan boshlab 6 oy davomida amal qiladi. Eksport uchun yakka tartibdagi litsenziya Rossiya Sanoat va savdo vazirligi tomonidan beriladi.
Bunda qo‘rg‘oshin eksportini amalga oshiruvchi kompaniyalar:
xavfli chiqindilar bilan ishlash litsenziyasiga;
xavfli ishlab chiqarish obyektlarini ekspluatatsiya qilish ruxsatnomasiga;
sanitariya himoya hududi bo‘yicha tegishli hujjatlarga ega bo‘lishi shart.
Shu bilan birga, qaror xalqaro tranzit yuk tashuvlariga taalluqli emas — ya’ni Rossiya hududi orqali tranzit o‘tayotgan qo‘rg‘oshin yuklari litsenziya talablaridan ozod etilgan.