TOShKENT, 12 yanv — Sputnik. Javohir Sindarov O‘zbekistonda “Yilning eng yaxshi shaxmatchisi”, Umida Omonova esa “Yilning eng yaxshi ayol shaxmatchisi” nominatsiyasiga munosib ko‘rildi. Bu haqda O‘zbekiston shaxmat federatsiyasi tomonidan o‘tkazilgan matbuot anjumanida ma’lum qilindi.
Matbuot anjumanida ta’kidlanishicha, bugunga qadar o‘zbekistonlik sportchilar 100 ga yaqin jahon va Osiyo chempionatlarida ishtirok etgan. Shuningdek, shaxmat tizimini yanada kuchaytirishga qaratilgan muhim tashabbuslar e’lon qilindi.
Jumladan, 12 yoshdan oshgan, biroq hali asosiy tarkibga kiritilmagan iqtidorli shaxmatchilarni qo‘llab-quvvatlash, shuningdek, shaxmatni barcha viloyatlarda tizimli ravishda rivojlantirish ustuvor yo‘nalish sifatida belgilandi.
Shu bilan birga, O‘zbekiston shaxmati rivojiga munosib hissa qo‘shgan boshqa vakillar ham tantanali ravishda taqdirlandi.
Yilning eng yaxshi yosh shaxmatchilari
(12 yoshgacha, o‘g‘il bola) — Nematillaxonov Nurmuhammad
(12 yoshgacha, qiz bola) — Xusniddinova Xusnora
(20 yoshgacha, o‘g‘il bola) — Muhiddin Madaminov
(20 yoshgacha, qiz bola) — Xamdamova Afruza
Para va faxriy shaxmatchilar
Yilning eng yaxshi erkak para shaxmatchisi — Shoyusupov Marsel
Yilning eng yaxshi ayol para shaxmatchisi — Kakisheva Selbi
Yilning eng yaxshi faxriy shaxmatchisi — O‘ktam Sheraliyev
Hakamlar va mutaxassislar
Yilning eng yaxshi shaxmat hakami — Komiljon Azizov
Yilning eng yaxshi shaxmat tahlilchisi — Ulug‘bek Tillayev
Yilning eng yaxshi shaxmat sharhlovchisi — Anton Kim
Maxsus va faxriy mukofotlar
Yilning eng yorqin shaxmat partiyasi — Nodirbek Abdusattorov
Shaxmat rivojiga qo‘shgan ulkan hissasi uchun — Sergey Pinchuk