TOShKENT, 2 yanv — Sputnik. O‘tgan yili rubl dollarga nisbatan eng qimmatlashgan valyuta bo‘ldi, deb xabar qilmoqda RIA Novosti ochiq birja ma’lumotlariga asoslanib.
Hisob-kitoblarga ko‘ra, Rossiya rubli 2025-yil dekabrida 2024-yilning mos davriga nisbatan +31%mustahkamlangan.
Ikkinchi o‘rinni shved kronasi (+19,9 %), uchinchi o‘rinni Vengriya forinti (19,4%) egalladi. Kolumbiya pesosi (+18,9%) va Chexiya kronasi (+17,2%) ham kuchli beshlikka kirgan.
2025 yilda dollarga nisbatan eng ko‘p arzonlashgan valyutalar esa - Argentina pesosi (-29%), turk lirasi (-18,3%) va Liviya dinori (-9,2 %), Shri-Lanka rupiyasi (-5,5%), Nepal va Hindiston rupiyasi (-5%) va boshqalar bo‘ldi.
Rossiya banki ma’lumotlariga ko‘ra, 2025-yil uchun dollarning rasmiy kursi 23,45 rublga pasaygan. Yil davomidagi eng yuqori ko‘rsatkichga 15-yanvarda 103,44 rubl, eng past ko‘rsatkich esa 6-dekabrda 76,09 rublga yetdi. Bir yevro esa — 15-yanvarda 106,25 rublni, 19-martda esa 87,57 rublni tashkil qildi.
Iqtisodiy rivojlanish vazirligi rahbari Maksim Reshetnikov RTga bergan intervyusida ta’kidlaganidek, joriy kuchli rubl kursi nisbatan yuqori foiz stavkalari sharoitida talab va taklifning real muvozanatini aks ettiradi. Uning qo‘shimcha qilishicha, kelasi yil valyuta kursi ham "avgust va sentabr oylarida kutganimizdan ham kuchliroq bo‘ladi".