TOShKENT, 27 dek — Sputnik. Samarqandda ishsiz yoshlarga Labo mashinalari berildi, deb xabar qilmoqda Sputnik muxbiri.
Samarqandda ishsiz yoshlarni qo‘llab-quvvatlash loyihasi doirasida viloyatning 50 nafar yoshlariga "Labo" avtomashinalari topshirildi.
Mashina olganlar orasida yosh ayollar ham bor edi. Ulardan biri Jomboy tumanida yashovchi Mohira Safarova to‘rt yil avval haydovchilik guvohnomasini olgan. Loyihaning boshqa ishtirokchilari singari Safarova ham yuk tashish sohasida o‘z biznesini ochishni rejalashtirmoqda.
Avtomashinalar dastlabki to‘lovsiz 18 foiz yillik foiz stavkasi bilan yetti yillik kreditga beriladi.