"O‘zbekiston Milliy banki to‘plamidan asarlar" katalogi taqdimoti bo‘lib o‘tdi

TOShKENT, 15 dek — Sputnik, Bahrom Hatamov. O‘zbekiston Tasviriy san’at galereyasida "O‘zbekiston Milliy banki to‘plamidan tanlangan asarlar" katalogi taqdimoti bo‘lib o‘tadi.

Katalog "O‘zmilliybank" AJ tomonidan san’at asarlari to‘planishining 30-yilligi hamda O‘zbekiston Tasviriy san’at galereyasining 20-yilligi munosabati bilan nashr etildi.

Nashr XX–XXI asrlarda ijod qilgan o‘zbek rassomlari, haykaltaroshlari va grafiklarining sara asarlarini o‘z ichiga olgan bo‘lib, milliy san’at maktabining shakllanishi, uslubiy xilma-xillik va mualliflarning individual badiiy izlanishlarini yoritadi. Katalogda asarlarning badiiy tahlillari, mualliflar haqida ma’lumotlar hamda yuqori sifatli illyustratsiyalar joy olgan.

1 / 16

"O‘zbekiston Milliy banki to‘plamidan asarlar" katalogi

2 / 16

Akmal Nur (A. Nuridinov). "Kushon kelini". 1990 Mato, moybo‘yoq, 130x85

3 / 16

O‘zbekiston Tasviriy san’at galereyasi direktori, O‘zBA akademigi, san’atshunoslik fanlari doktori, professor — Kamola Akilova

4 / 16

Taqdimotga taklif qilingan mehmonlar

5 / 16

O‘zA fotomuxbiri Alimurod Mamadaminov ish ustida

6 / 16

Jamol Usmonov. "Aks". 2006 mato, moybo‘yoq, 60x80

7 / 16

Tadbirning umumiy ko‘rinishi

8 / 16

O‘zbekiston Xalq rassomi Bahodir Jalolov

9 / 16

Katalog taqdimotining ishtirokchilari va mehmonlari

10 / 16

Nig‘mat Qo‘ziboyev. "Oqshom". 1998 mato, moybo‘yoq, 65x99

11 / 16

Tadbir mehmonlari

12 / 16

Galereya bosh muhofizi Nuriddin Rasulov

13 / 16

Katalog taqdimoti auditoriyasi

14 / 16

Telman Muhammedov. "Farhod va Shirin". 1970 qog‘oz, tempera, 27x16

15 / 16

Tomoshabinlar va matbuot

16 / 16

O‘zbekiston Xalq rassomi Javlon Umarbekov va O‘zbekiston Tasviriy san’at galereyasi direktori Kamola Akilova

"Ushbu katalog milliy badiiy merosni hujjatlashtirish va asrab-avaylash, shuningdek, zamonaviy o‘zbek san’atining rivojlanish yo‘nalishlarini keng jamoatchilikka namoyon etish yo‘lidagi muhim qadam hisoblanadi",— deydi ko‘rgazmalar va fondlar bo‘limi boshlig‘i Saodat Ruziyeva.

Taqdimot marosimi san’atshunoslar, kuratorlar, taniqli rassomlar, muzey xodimlari va san’at ishqibozlarini bir maydonga jamlaydi. Tadbir doirasida O‘zbekiston Milliy banki to‘plamining shakllanish tarixi, bankning madaniyatni qo‘llab-quvvatlashdagi o‘rni hamda katalogning konsepsiyasi muhokama qilinadi.

"O‘zbekiston Milliy banki to‘plamidan asarlar" katalogi taqdimoti bo‘lib o‘tdi — foto