TOShKENT, 13 dek — Sputnik. Rossiya armiyasi Ukraina Qurolli Kuchlari tomonidan foydalaniladigan energetika obyektlariga qarshi kuchli javob zarbasi berdi, deb xabar berdi Mudofaa vazirligi.
"Kecha kechqurun Ukraina tomonidan fuqarolik obyektlariga qilingan terroristik hujumlariga javoban Rossiya qurolli kuchlari Ukraina harbiy-sanoat kompleksi obyektlari va ularning faoliyatini qo‘llab-quvvatlovchi energetika obyektlariga qarshi yirik zarba berdi", - deyiladi xabarda.
Qurolli kuchlar hujumda quruqlik va dengizda joylashgan uzoq masofali aniq nishonga oluvchi qurollar, jumladan, "Kinjal" raketalari va dronlar yordamida berildi.
Zarba natijasida Odessada energetika va sanoat obyektlari zarar ko‘rdi. Shaharning katta qismi elektr, suv ta’minoti va isitish tizimisiz qoldi. Odessa viloyatining Podolsk shahrida ham portlashlar qayd etildi. Ukrainaning eng yirik xususiy energetika kompaniyasi (DTEK) mintaqadagi yigirmata elektr podstansiyasiga zarar yetkazilganini xabar qildi.
OAV shuningdek, Kirovograd, Dnepropetrovsk va Nikolayevda portlashlar haqida xabar berdi. Chernigov, Dnepropetrovsk va Nikolayev viloyatlarining ayrim qismlarida va Xerson viloyatining Ukraina Qurolli Kuchlari tomonidan nazorat qilinadigan qismida elektr energiyasi uzildi. Krivoy Rogda barcha muhim infratuzilma yopildi.
Ukraina Qurolli Kuchlarining fuqarolik nishonlariga hujumlariga javoban, Rossiya qo‘shinlari muntazam ravishda shaxsiy tarkib, texnika va yollanma askarlar joylashgan joylarga, shuningdek, energetika, mudofaa sanoati, harbiy qo‘mondonlik va aloqa inshootlari kabi Ukraina infratuzilmasiga zarbalar bermoqda.
Ukrainaning Rossiya fuqarolik obyektlariga bergan zarbasi oqibatida Saratov viloyatida ikki kishi qurbon bo‘ldi, turar joy binoslari, poliklinika shikastlandi.
Rossiya havo mudofaa kuchlari o‘tgan tunda Ukrainaning 41ta dronini urib tushirdi.