Toshkentda chang: kishi qanday himoyalanishi mumkin?

Toshkentdagi chang nimadan kelib chiqadi?

Toshkent qish faslida pastlikda joylashgani va shamolning kamligi sababli ifloslanish past qatlamda to‘planib qoladi. Bunga qo‘shimcha ravishda:

arzon yonilg‘i yoqadigan isitish moslamalari;

tirbandlikdagi transport tashlanmalari;

qurilish maydonlari va changli hududlar
changni yanada kuchaytiradi.

Sog‘liq uchun asosiy xavf

PM2.5 zarrachalari o‘ta mayda bo‘lib, o‘pkaga chuqur kirib boradi. Bu:

bosh og‘rig‘i;

nafas olish qiyinlashishi;

yurak-qon tomir kasalliklari xavfini oshiradi.

Bolalar, keksalar va allergiyasi borlar uchun xavf ikki baravar yuqori.

Uyda o‘zingizni qanday himoya qilish mumkin?

HEPA-filtrli havo tozalagichdan foydalaning.

Eng yomon soatlarda derezalarni yopiq tuting.

Konditsionerni retsirkulyatsiya rejimida yoqing.

Uyda namlikni meyorda saqlang.

“Toza xona” tashkil qiling — doimiy filtratsiya bo‘ladigan bir hudud.

Ko‘chada nimalarga e’tibor berish kerak?

FFP2, KN95 yoki N95 niqoblarini taqing.

Ertalab va kechqurun chiqmaslikka harakat qiling.

Katta yo‘llardan uzoqroq yuring.

Sport mashqlarini yopiq joyga ko‘chiring.

Avtomobilda himoya qilish usullari

Salon filtringiz yuqori toifada bo‘lsin.

Tirbandlikda “retsirkulyatsiya”ni yoqing.

Iloji boricha oynalarni ochmang.

Kichik havo tozalagich o‘rnatish foyda beradi.

1 / 12

Tutun va chang: qurilish bosqichlari

2 / 12

Issiqxona dehqonchiligi va yuzaga kelgan chang atmosfera

3 / 12

Kulrang ufq: ish davom etmoqda

4 / 12

Qurilish maydonlarida tekshiruvlar

5 / 12

Tekshiruvlar havoning chang va qum bilan ifloslanishiga, obodonlashtirish talablariga rioya qilmaslikka olib keluvchi qonunbuzarliklarni aniqlash va oldini olishga qaratilgan

6 / 12

77 ta ko‘cha va 165 ta jamoat joylarini sug‘orish va namlantirish ishlari amalga oshirildi

7 / 12

Sug‘orish va ko‘cha namlantirish texnikasi

8 / 12

Changni oldini olish uchun suv to‘pi

9 / 12

Shaharda barqaror mikroiqlimni ta’minlovchi 126 ta favvora ishga tushirildi

10 / 12

24 ta obyektga g‘ildirak yuvish tizimlari/suv yuvish moslamalari o‘rnatildi. 62 ta obyektda avtomobil shinalari yuvish uchun maxsus hovuzlar o‘rnatildi.

11 / 12

Mikroiqlimni yaxshilash usuli sifatida ko‘chalarni sug‘orish va namlash

12 / 12

Umumiy uzunligi 496 km bo‘lgan mikroiqlim barqarorligini ta’minlash bo‘yicha ishlar amalga oshirildi

Chang paytida nima qilib bo‘lmaydi?

Ko‘chada yugurish, sport bilan shug‘ullanish.

Oynalarni ochib qo‘yish.

Odatiy matoli niqob taqish.

Uzoq vaqt bolalar bilan tashqarida bo‘lish.

"Ifloslanish oddiy hayotning bir qismiga aylanganida, toza havo uchun kurash tavsiya emas, balki zaruratga aylanadi", – deydi Ekologiya qo‘mitasi huzuridagi “Eko-media” markazi bo‘lim boshlig‘i Aziza Uzakbergenova.