TOShKENT, 20 noya – Sputnik. BEE-TOGETHER.ru 20-Xalqaro autsorsing ko‘rgazma-platformasida O‘zbekiston milliy ekspozitsiya tarkibida 60 tadan ortiq to‘qimachilik korxonalari o‘z mahsulotlarini namoyish etmoqda. Bu haqda Savdo-sanoat palatasi (SSP) matbuot xizmati xabar berdi.
Moskva shahrida o‘tkazilayotgan yengil sanoat sohasining nufuzli tadbirlaridan biri hisoblangan ushbu ko‘rgazmada Rossiya va qator mamlakatlarning davlat idoralari, tarmoq uyushmalari, yirik riteylerlar hamda biznes doiralari vakillari ishtirok etmoqda.
Ko‘rgazmada O‘zbekiston kompaniyalari Rossiya, MDH mamlakatlari va bir qator xalqaro brendlar vakillari bilan uchrashuvlar o‘tkazib, o‘zaro hamkorlik, qo‘shma loyihalar va eksport imkoniyatlarini muhokama qilmoqda.
Tadbir doirasida BEE-TOGETHER 2025 tashkilotchilari va Rossiya Fashion industriyasi assotsiatsiyasi tomonidan O‘zbekiston SSP “Ishonchli hamkor” mukofoti bilan taqdirlandi.