TOShKENT, 15 noya — Sputnik. Rossiya, Qozog‘iston va O‘zbekiston qo‘shma gaz loyihasi muvaffaqiyatli amalga oshirilmoqda va gaz tranzitini hajmini kengaytirish rejalashtirilgan, dedi Qasim-Jomart Tokayev Toshkentda matbuot anjumanida.
"Rossiya-Qozog‘iston-O‘zbekiston gaz loyihasi muvaffaqiyatli natijalarni ko‘rsatmoqda. Birgalikdagi sa’y-harakatlar orqali biz gaz tranziti hajmini oshirish niyatidamiz. Bundan tashqari, neft va yadro sanoatida hamkorlikni kengaytirish uchun yaxshi istiqbollar mavjud", - dedi Qozog‘iston prezidenti.
Ma’lumot uchun, 2023-yil iyun oyida O‘zbekiston "Gazprom" bilan gaz sotib olish shartnomasini imzoladi, yetkazib berish o‘sha yilning oktabr oyida boshlandi. 2025-yilning 16-oktabr kuni Rossiya hukumati "Gazprom" O‘zbekistonga yiliga 7,7 milliard kub metr tabiiy gaz yetkazib berish bo‘yicha shartnomasini amalga oshirishda davom etayotganini e’lon qildi.
Toqayevning 11-12 noyabr kunlari Rossiyaga bo‘lib o‘tgan davlat tashrifi davomida ham Qozog‘iston shimoliga gaz yetkazib berish hamda Qozog‘iston hududi orqali gaz ishonchli tranzitini ta’minlash o‘ta muhim ahamiyatga ega ekani qayd etilgan edi.