TOShKENT, 11 noya — Sputnik. Tojikiston Sanoat va yangi texnologiyalar vazirligi hamda Yevroosiyo taraqqiyot bankining (YeOTB) Raqamli tashabbuslar jamg‘armasi o‘rtasida hamkorlik to‘g‘risida memorandum imzolandi.
Hujjat tomonlarning qo‘shma raqamli loyihalarni rivojlantirish, tajriba almashish va innovatsiyalar hamda sun’iy intellekt sohasidagi milliy vakolatlarni mustahkamlash niyatlarini mustahkamlaydi.
Hamkorlikning ustuvor yo‘nalishlari orasida davlat boshqaruvi tizimiga sun’iy intellektni joriy etish, multimodal til modelini (LLM) yaratish, shuningdek, energiya samaradorligi va xavfsizlik sohalarida yechimlarni ishlab chiqish bor.
Kelishuvlarni amalga oshirish YeOTB Raqamli tashabbuslar jamg‘armasining moliyaviy va ekspert imkoniyatlaridan foydalanish imkonini beradi. Jumladan, bankka a’zo mamlakatlar o‘rtasida texnologiyalar almashinuvi va raqamli integratsiyani rivojlantirishga qaratilgan grant dasturlari ham shular qatoriga kiradi.
Tojikistonda loyihalardan birini amalga oshirish allaqachon boshlangan -" Dushanbe shahrining elektron xaritasi" raqamli platformasi ishlab chiqilmoqda.