TOShKENT, 7 noya – Sputnik. Rossiya hukumati raisining o‘rinbosari Aleksey Overchuk Rossiya va Armaniston o‘rtasida Ozarbayjon va Gruziya hududi orqali to‘g‘ridan-to‘g‘ri temir yo‘l qatnovi ochilishi yuzasidan munosabat bildirdi.
Uning ta’kidlashicha, yangi yo‘nalish Rossiyaning Janubiy Kavkaz davlatlari bilan transport aloqasini mustahkamlaydi, Armaniston bozorlarining Yevroosiyo iqtisodiy ittifoqiga (YeOII) a’zo boshqa davlatlar tovarlari uchun imkoniyatni oshiradi, shuningdek, armanistonlik tovar ishlab chiqaruvchilari uchun Ittifoq bozorlarining yaqinligini yaxshilaydi.
“Armaniston Respublikasi mustaqillikka erishganidan beri birinchi marta mamlakatlarimiz o‘rtasida to‘g‘ridan-to‘g‘ri temir yo‘l aloqasi amalga oshirilmoqda. Ushbu voqea Janubiy Kavkazda tinchlik o‘rnatishga qo‘shgan haqiqiy, aniq hissasi, mintaqadagi barcha mamlakatlarning mintaqaviy barqarorligi va iqtisodiy rivojlanishi uchun qilgan ishimizning dalilidir”, - dedi Overchuk.
Ramziy ma’noda bu yo‘l orqali birinchi yuk Rossiya doni bo‘ldi – hayot va yaratilishning eng muhim ramzlaridan biri. Va bu yana bir bor Janubiy Kavkazda tinchlik o‘rnatish, qarama-qarshilikdan hamkorlikka o‘tishning umumiy istagini ta’kidlaydi, dedi u.