TOShKENT, 23 okt – Sputnik. 2025-yilda O‘zbekiston yalpi ichki mahsulotining o‘sishi 7 foiz, inflyatsiya esa 8 foiz atrofida bo‘lishi kutilmoqda. Bu haqda bosh vazir o‘rinbosari, iqtisodiyot va moliya vaziri Jamshid Qo‘chqorov ma’lum qildi, deya xabar berdi RIA Novosti.
Qo‘chqorovning so‘zlariga ko‘ra, mamlakat iqtisodiyoti tashqi tahdidlarga qaramay, yuqori o‘sish sur’atlarini saqlab qolmoqda.
“Yil yakuni bo‘yicha o‘sish taxminan 7 foiz atrofida bo‘lishi kutilmoqda,” — dedi u investitsiya konferensiyasida so‘zlagan nutqida.
Vazirning ma’lumoticha, aholi jon boshiga yalpi ichki mahsulot 2024-yildagi qariyb 3 ming dollardan 3,5 ming dollardan oshishi kutilmoqda.
Shuningdek, Qo‘chqorov sentabr oyida inflyatsiya 8 foizgacha sekinlashganini qayd etdi.
“Yil yakunlariga ko‘ra inflyatsiya shu darajada qolishi mumkin. Kelasi yil uchun asosiy maqsad — uni 7 foizdan past darajada ushlab turish,” — deya ta’kidladi vazir.
Rasmiy statistikaga ko‘ra, 2025-yilning yanvar–iyun oylarida O‘zbekiston YaIM 7,2 foizga o‘sgan, bu o‘tgan yilning shu davridagi 6,4 foizlik ko‘rsatkichdan yuqori.
Markaziy bank may oyida iqtisodiy o‘sish prognozini 6,5 foizgacha oshirgan edi. Bu prognoz sentabr oyida ham o‘z kuchini saqlab qoldi. 2024-yil yakunida esa O‘zbekiston iqtisodiyoti 6,5 foizga, iste’mol narxlari 9,8 foizga o‘sgan.