TOShKENT, 23 okt – Sputnik. Yevroosiyo iqtisodiy komissiyasida (YeIK) tadbirkorlikni qo‘llab-quvvatlash, mehnat migratsiyasi va ijtimoiy himoya masalalariga bag‘ishlangan matbuot anjumani bo‘lib o‘tdi. Bu haqda YeIK matbuot xizmati xabar berdi.
Majlisda muhokama qilingan asosiy mavzular.
Tadbirkorlik sohasida:
2015 yildan buyon tartibga solish ta’sirini baholash doirasida 650 ta xulosa tayyorlangan. Biznesning 15 mingta e’tirozidan 60 foizdan ortig‘i inobatga olingan;
2024 yilda YeOII mamlakatlari o‘rtasidagi o‘zaro savdo 9,1 foizga o‘sgan (2023 yilda — 6,7 foiz). Xizmatlar savdosi hajmi 16,1 foizga oshgan;
Yagona xizmatlar bozoriga 142 ta sektor kiritilgan, yana 117 ta yo‘nalishni liberallashtirish rejalashtirilgan;
YeOII mamlakatlari bo‘ylab 419 ta obyekt va 38 ta marshrutni o‘z ichiga olgan sayyohlik xaritalari tuzildi.
2020 yildan buyon 34 mingdan ziyod qoidabuzarlik aniqlanib, 53 million dona kontrafakt mahsulot musodara qilingan.
Mehnat bozori va ijtimoiy himoya:
YeOIIda umumiy ishsizlik darajasi 0,7 foizga kamaydi;
YeOII mamlakatlaridan kelgan ishchilar endilikda fuqarolar bilan teng ravishda tez yordam, kasallik ta’tili va ishdagi baxtsiz hodisalardan sug‘urta huquqiga ega;
Mehnat muhojirlari farzandlarining ta’lim olish imkoniyatlari doimiy nazoratda. Xususan, Rossiya maktablarida joriy etilgan yangi test tizimining ularning ish mobilligiga ta’siri ko‘rib chiqilmoqda.
Pensiya ta’minotida asosiy vazifa — davlatlar o‘rtasida elektron hamkorlikni yo‘lga qo‘yish. Bu pensiya tayinlash muddatini qisqartiradi. YeOII Bitimi asosida 2024-yilda pensiya oluvchilar soni 13 854 kishiga yetdi.
Anjumanda YeIK Tadbirkorlik faoliyatini rivojlantirish departamenti direktori Yernar Bakenov hamda Mehnat migratsiyasi va ijtimoiy himoya departamenti direktori Altinay Omurbekova ishtirok etdi.