TOShKENT, 15 okt — Sputnik. Jahon standartlar kuni munosabati bilan Toshkentda standartlashtirish, metrologiya va muvofiqlikni baholash sohasidagi innovatsion g‘oyalar va ishlanmalar ko‘rgazmasi bo‘lib o‘tdi.
INNO innovatsion o‘quv va ishlab chiqarish texnoparkida bo‘lib o‘tgan tadbirda O‘zbekiston Texnik jihatdan tartibga solish agentligi direktori Jumanazarov Akmal Ro‘ziqulovich, O‘zbekiston Oliy ta’lim, fan va innovatsiyalar vaziri Sharipov Kogratbay Avezimbetovich nutq so‘zladi.
Shuningdek, MDH Ijroiya qo‘mitasidan Iqtisodiy hamkorlik departamentining Ilmiy-texnik hamkorlik va innovatsiyalar bo‘limi boshlig‘i Mansurov Timur Tilloyevicham ishtirok etdi .
Mansurov "O‘zstandart" agentligi MDHga a’zo davlatlarda davlatlararo standartlashtirish va metrologiyani rivojlantirishga katta hissa qo‘shayotgani, Standartlashtirish, metrologiya va sertifikatlashtirish bo‘yicha davlatlararo kengash ishida faol ishtirok etishini alohida ta’kidladi.
2025 yilda Agentlik tashabbusi bilan 565 ta “Bazalt va bazalt mahsulotlari” yangi davlatlararo texnik qo‘mita tashkil etildi va standartlashtirish sohasidagi yutuqlar uchun “MDHning eng yaxshi standartlashtiruvchisi” mukofoti ta’sis etilgani aytib o‘tildi.
Ko‘rgazma doirasida “Yilning eng yaxshi standartlashtiruvchisi – 2025” va “Sifat sohasida” milliy mukofotlari g‘oliblarini taqdirlash marosimi ham bo‘lib o‘tdi.