TOShKENT, 13 okt – Sputnik. Ukrainaga “Tomahawk” raketalarining ehtimoliy yetkazib berilishi hamma uchun yomon yakunlanishi mumkin, va avvalo AQSh prezidenti Donald Trampning o‘zi uchun. Bu haqda Rossiya Xavfsizlik kengashi raisi o‘rinbosari Dmitriy Medvedev ma’lum qildi.
U Trampning, agar Rossiya prezidenti Vladimir Putin Ukraina mojarosini hal etmasa, bu u uchun yomon yakunlashini haqidagi tahdidlarini eslatgan.
“Agar “biznes tinchlikparvar” “Tomagavklar” haqida bo‘lsa, ibora noto‘g‘ri. Bu raketalarni yetkazib berish hamma uchun yomon yakunlanishi mumkin. Va avvalo – Trampning o‘zi uchun”, - deya yozdi Medvedev o‘zining Telegram-kanalida.
Tramp avvalroq, agar mojaro hal etilmasa, AQSh Ukrainaga “Tomahawk” raketalarini berishi mumkinligini aytgandi.
Putin AQShning Ukrainaga “Tomahawk” qanotli raketalarini ehtimoliy yetkazib berish qarori Rossiya va AQSh o‘rtasidagi munosabatlarning ijobiy intilishlarining barbod bo‘lishiga olib kelishini qayd etgandi. Bu raketalarni Ukraina amerikalik harbiylarning ishtirokisiz qo‘llay olmaydi.