TOShKENT, 7 okt – Sputnik. Jahon chempionatini muvaffaqiyatli o‘tkazgan O‘zbekiston para yengil atletikachilari O‘zbekistonga qaytishdi. Bu haqda Sport vazirligi xabar berdi.
Xabarda aytilishicha, 27-sentabr-5 oktabr kunlari Hindistonning Nyu-Dehli shahrida para yengil atletika bo‘yicha jahon chempionati bo‘lib o‘tdi.
Dunyoning 109 ta mamlakatidan jami 1400 nafarga yaqin sportchilar qatnashgan ushbu nufuzli musobaqada O‘zbekiston milliy terma jamoasi a’zolari ham ishtirok etib, 5 ta oltin, 5 ta kumush va 2 ta bronza medallarini qo‘lga kiritishdi.
Matonatli sportchilar Toshkent xalqaro aeroportida Sport vazirligi, O‘zbekiston Milliy Paralimpiya qo‘mitasi, Respublika olimpiya va paralimpiya sport turlariga tayyorlash markazi rahbariyati, OAV vakillari hamda yaqinlari tomonidan kutib olindi.