TOShKENT, 5 okt – Sputnik. Gruziya bosh vaziri Irakliy Kobaxidze poytaxtdagi tartibsizliklarda Yevropa Ittifoqining Tbilisidagi elchisi Pavel Gerchinskiy aybdor ekanini ma’lum qildi. Bu haqda Gruziyaning 1TV telekanali xabar berdi.
Kobaxidzening so‘zlariga ko‘ra, ayrim chet ellik vakillar, jumladan, Yevropa amaldorlari Gruziyadagi konstitutsiyaviy tuzumni ag‘darishga bo‘lgan urinishlarni bevosita qo‘llab-quvvatlagan.
“YeIning Gruziyadagi elchisi buning uchun o‘ta javobgar”, - dedi bosh vazir brifingda.
Tbilisidagi norozilik namoyishlari 4-oktabr kuni kechqurun boshlandi. Natijada 14 nafar politsiya xodimlari jabrlangan. Gruziya IIV politsiyalarga hujum qilish, hukumatni zo‘ravonlik bilan o‘zgartirishga dav’at qilish faktlari bo‘yicha jinoiy ishlar ochgan.
4 oktabr Gruziyada kuni mahalliy o‘zini o‘zi boshqarish organlari saylovlari bo‘lib o‘tdi. Fuqarolar 64 ta shahar va tumanning hokim va deputatlarini saylashdi. Saylovda qatnashishdan 8 ta muxolifat partiya bosh tortdi. Mamlakat Markaziy saylov komissiyasi ma’lumotlariga ko‘ra, hukmron “Gruziya orzusi” partiyasi 70,1 foizdan ko‘proq ovozga ega bo‘lgan. Tbilisi hokimi lavozimiga “Gruziya orzusi” partiyasidan nomzod Kaxa Kaladze 71 foizdan ortiq ovoz bilan qayta saylanmoqda.