TOShKENT, 23 sen — Sputnik. O‘zbekiston IT infratuzilmasini rivojlantirish va texnologiya sohasi uchun malakali mutaxassislarni tayyorlash zaruratida davom etmoqda. Bu haqda Uzum kompaniyasi asoschisi va bosh direktori Roman Lavrentev ICT Uzbekistan 2025 haftaligida aytib o‘tdi.
Uning ta’kidlashicha, bir necha yil avval mamlakatda onlayn-tijoratga shubha bilan qaralgan, biroq yosh avlod talabi raqamli xizmatlarga kuchli turtki bergan. Ishonchli yetkazib berish va xizmat ko‘rsatishni ta’minlash uchun korxonalar omborlar, transport va logistikaga katta miqdorda sarmoya kiritishlari kerak edi.
"Bugungi kunda biz sezilarli yutuqlarni ko‘rapmiz: yetkazib berish masalalari hal bo‘ldi, ammo vazifa IT infratuzilmamizni rivojlantirish bo‘lib qolmoqda. Ishonchim komilki, sun’iy intellekt yaqin ikki-ikki yarim yil ichida har bir texnologiya kompaniyasini o‘zgartiradi. Bunga erishish uchun avvaldan poydevor tayyorlash va resurslarni birlashtirish muhim", - deya ta’kidladi Lavrentev.
Uning so‘zlariga ko‘ra, e’tibor talab qiladigan yana bir yo‘nalish - mutaxassislar tayyorlash.
"Kompaniyamizda 12 ming kishi ishlaydi, ammo biz hali ham iste’dodlar etishmasligini his qilyapmiz. Biz ulkan salohiyatni ko‘rmoqdamiz va innovatsiyalar mamlakatga tezroq kirib borishi kerak", - deya qo‘shimcha qildi u.
"ICT Week Uzbekistan 2025" axborot-kommunikatsiya haftaligi 26-sentabrga qadar davom etadi. Tadbirda 50 dan ortiq davlat vakillari va 20 ta delegatsiya qatnashmoqda.