TOShKENT, 15 sen — Sputnik. Joriy yilning 8 oyi davomida Sanitariya-epidemiologik osoyishtalik va jamoat salomatligi qo‘mitasining hududiy boshqarmalari tomonidan amaldagi sanitariya qoida va normativlari asosida 3554 ta maktabgacha ta’lim tashkilotlarida rejali tekshirishlar o‘tkazildi.
Jumladan:
kimoviy tahlillar uchun 83231 ta namunalardan 4110 tasi;
bakteriologik tahlillar uchun olingan 88203 ta namunalardan 9027 tasi "SanQvaN" talablariga javob bermadi.
Maktabgacha ta’lim muassasalarida yorug‘lik meyorlariga rioya qilish asosiy omil hisoblanadi. Yorug‘lik yetishmasligi ko‘rish qobiliyatini, diqqatni jamlashni pasayishiga va bolalarning charchashiga olib kelishi mumkin.
Guruhlarda xona haroratini, ya’ni mikroiqlim ko‘rsatkichlari 23425 tasining 1658 tasida harorat talab darajasida emas. Yorug‘lik ko‘rsatkichlari 43665 ta nuqtada o‘lchanganda 2559 tasida yoritilganlik pastligi aniqlandi.
Tarbiyalanuvchilar ovqatlanishini to‘g‘ri va xavfsiz tashkil etilganligi ustidan nazoratni amalga oshirilganda:
mikrobiologik ko‘rsatgichlarga tayyor oziq-ovqat mahsulotlaridan 8122 ta namunadan 323 tasi;
ichimlik suvidan 4461 ta namunadan 237 tasi talabga javob bermadi.
Kimoviy tahlillar uchun ovqat to‘yimliligi 4986 ta namunalardan 878 ta namunasida ovqat to‘yimliligi pastligi, sabzavotlarda nitrat qoldiqlarini tekshirish uchun 12301 ta namunadan 257 ta namunada nitrat qoldiqlari, osh tuzida yod miqdorini aniqlash uchun 2321 ta namunalardan 718 ta namunalarda yod miqdori kamligi aniqlandi.
Maktabgacha ta’lim tashkilotlarida sanitariya qonun buzilish holatlariga yo‘l qo‘ygan mas’ul shaxslarga nisbatan 3705 ta holatda ma’muriy choralar (jarimalar) qo‘llanildi, 110 ta muassasalarining ish faoliyati vaqtincha to‘xtatildi, 446 nafar ishchi-xodimlar tibbiy ko‘rikdan o‘z vaqtida o‘tmaganliklari sababli ishdan vaqticha chetlashtirildi.
Ma’lumot uchun: Brakeraj bu tovarning sifati, bezatilishi va transportbop qilib o‘ralishi, belgilangan standart yoki shartnoma shartlariga mos kelishini tekshirish.