TOShKENT, 31 avg – Sputnik. Yevroosiyo iqtisodiy ittifoqi (YeOII) bozorida Mo‘g‘ulistonning ko‘proq yuqori sifatli mahsulotlar paydo bo‘lishi mumkin. Bu haqda Yevroosiyo iqtisodiy komissiyasi (YeIK) matbuot xizmati xabar berdi.
YeIK shtab-kvartirasida soha hamkorligini rivojlantirish, Mo‘g‘uliston bilan o‘zaro savdo to‘siqlarini aniqlash va bartaraf etish bo‘yicha seminar bo‘lib o‘tdi.
YeIK savdo vaziri Andrey Slepnyovning so‘zlariga ko‘ra, Ittifoq imzolangan vaqtinchalik savdo bitimi doirasida o‘z tovarlarini YeOII bozoriga yetkazib berishni ko‘paytirishi uchun Mo‘g‘uliston tomonining kutilmalarini amalga oshirishga ko‘maklashmoqchi.
To‘qimachilik, kashemir, go‘sht mahsulotlari kabi yuqori sifatli mo‘g‘ul tovarlarini yetkazib berish kengaytirilishi Ittifoqning ichki bozorida tovar taklifini diversifikatsiya qilishga va iste’molchilar talabini qondirishga yordam beradi.
Shu bilan birga, YeOII davlat organlari va ishbilarmon doiralari vakillari Mo‘g‘ulistonga eksportning amaliy jihatlarini muhokama qilishdi. Shuningdek, mavjud muammolarni hal qilish uchun aniq choralarni taklif qilishdi.