TOShKENT, 31 avg – Sputnik. Braziliya hukumati AQSh tahdidlari ortidan onlayn shaklda BRIKSning navbatdan tashqari sammitini o‘tkazmoqchi. Bu haqda Braziliyaning “Valor Econômico” gazetasi yozmoqda.
Qayd etilishicha, sammitni tashkil etishga mamlakat prezidentining bosh maslahatchisi Selsu Amorim rahbarlik qiladi.
Gazeta ma’lumotlariga ko‘ra, Braziliya prezidenti Luis Inasiu Lula da Silva birlashma doirasidagi hamkorlikka AQSh tomonidan tahdidlar uchun BRIKS a’zolarining qo‘shma javobini muhokama qilish va ishlab chiqishni rejalashtirgan.
Shuningdek, Amorim Xitoyga tashrif buyurib, Ikkinchi jahon urushidagi G‘alabaning 80-yilligiga bag‘ishlangan tantanali tadbirlarda ishtirok etadi. U Pekinga keladigan BRIKS mamlakatlari TIV rahbarlari bilan qator uchrashuvlar o‘tkazadi.
BRIKS — 2006-yilda Rossiya, Xitoy, Hindiston va Braziliya tomonidan tashkil etilgan xalqaro birlashma. 2011-yilda Janubiy Afrika Respublikasiga birlashmaga qo‘shildi. 2024-yildan buyon BRIKSga yana qator davlatlar a’zo bo‘ldi. Avvalroq Rossiya prezidenti yordamchisi Yuriy Ushakov 2025-yil 1-yanvardan Belarus, Boliviya, Qozog‘iston, Tailand, Kuba, Uganda, Malayziya, O‘zbekiston va boshqa mamlakatlar rasman BRIKSning sheriklari bo‘lganini ma’lum qilgandi.