22−23 avgust kunlari Toshkent viloyatining Parkent tumanidagi Zarkent qishlog‘ida uchinchi bor an’anaviy "Uzum sayli" uzumchilik va vinochilik xalqaro festivali bo‘lib o‘tdi. Tadbir Ekologiya vazirligi huzuridagi Turizm qo‘mitasi va viloyat hokimligi tomonidan tashkil etildi.
Bayramda O‘zbekistonning 12 ta viloyatidan fermer xo‘jaliklari, vino ishlab chiqaruvchi korxonalar, tabiiy ichimliklar va sharbatlar ishlab chiqaruvchilar, shuningdek, xorijiy mutaxassislar ishtirok etdi. Mehmonlar orasida 40 taga yaqin davlat, jumladan, Rossiya delegatsiyalari ham bor.
Festival dasturi juda boy bo‘ldi: qishloq xo‘jaligi mahsulotlari yarmarkalari, vinochilik sohasi yutuqlari taqdimoti, xalqaro konferensiya, folklor va estrada konsertlari, yosh dizaynerlarning moda namoyishlari, hunarmandlar ko‘rgazmalari va degustatsiyalar.
Voqeaning eng yorqin lahzalari Sputnik O‘zbekiston fotoreportajida aks etgan: