TOShKENT, 23 avg — Sputnik. Bugun Tokioda Koreya Respublikasi Prezidenti Li Chje Mon va Yaponiya Bosh vaziri Shigeru Isiba muzokaralari bo‘lib o‘tdi.
Uchrashuvda yetakchilar AQSh bilan ikki tomonlama aloqalar va hamkorlikni mustahkamlash, shuningdek, KXDRni to‘liq yadrosizlantirish tarafdori ekanini ma’lum qilishdi.
"Dunyodagi murakkab vaziyat sharoitida, - dedi Isiba, - munosabatlarimizning barqaror rivojlanishi ikki davlat manfaatlariga javob beradi va butun mintaqa uchun manfaatlidir. Bunday sharoitda Yaponiya, Koreya Respublikasi va AQSh o‘rtasidagi hamkorlikni mustahkamlash nihoyatda muhim". Yaponiya bosh vaziri Tokio va Seul o‘rtasidagi strategik muloqot va KXDRning “to‘liq yadrosizlanishi” tarafdori ekanligini bildirdi.
Koreya Respublikasi Prezidenti ham o‘z navbatida “Koreya yarim orolini to‘liq yadrosizlantirish, ikki davlat o‘rtasidagi buzilmas munosabatlarni mustahkamlash va ularning AQSh bilan hamkorligi” muhimligini ta’kidladi.
Li Chje Mon Seul va Tokio oliy darajadagi muntazam tashriflar almashinuvini tiklash niyatida ekanini aytdi. Uning ta’kidlashicha, tomonlar umumiy ijtimoiy muammolarni, jumladan, aholining qarishi va tug‘ilishning pastligi kabi muammolarni hal qilishda hamkorlik qilishga kelishib olgan.
Li Chje Mon Seul va Tokio oliy darajadagi muntazam tashriflar almashinuvini tiklash niyatida ekanini aytdi. Uning ta’kidlashicha, tomonlar umumiy ijtimoiy muammolarni, jumladan, aholining qarishi va tug‘ilishning pastligi kabi muammolarni hal qilishda hamkorlik qilishga kelishib olgan.
Janubiy Koreya prezidenti o‘z lavozimiga kirishganidan so‘ng Tokioga ilk rasmiy tashrifini amalga oshirdi, bu joriy yilda nishonlanayotgan ikki davlat o‘rtasida diplomatik munosabatlar o‘rnatilganining 60-yilligiga to‘g‘ri keladi. Tokiodan so‘ng Li Chje Mon AQShga boradi va u yerda prezident Donald Tramp bilan muzokaralar o‘tkazadi.