TOShKENT, 21 avg — Sputnik. O‘zbekiston prezidenti Shavkat Mirziyoyev Yangi Toshkent loyihalari bilan tanishdi.
2023 yilda boshlangan Yangi Toshkent qurilishi jadal davom etmoqda. Yuqori Chirchiq va O‘rta Chirchiq tumanlarida 19,7 ming gektar maydonda 600 ming aholiga mo‘ljallangan 6 ming gektar maydonda birinchi navbatdagi qurilish ishlari olib borilmoqda. Kelajakda shahar 2 million kishiga mo‘ljallangan bo‘ladi. Loyiha konsepsiyasi Britaniyaning "Cross Works" kompaniyasi tomonidan ishlab chiqilgan.
Infratuzilma sifatiga alohida e’tibor qaratilmoqda: yer osti kommunikatsiyalari, jumladan, issiqlik va suv tarmoqlari, elektr tarmoqlari va telekommunikatsiyalar yotqizilmoqda, tunnellar va yer osti avtoturargohlari qurilmoqda.
Shahar konsepsiyasida ekologik transport: metro, elektrobuslar, piyodalar va velosipedchilar uchun qulay sharoitlar ko‘zda tutilgan. Ma’muriy hududda davlat organlari uchun 60 dan ortiq bino qurish rejalashtirilgan, o‘ndan ortiq vazirlik va idoralar uchun vaqtinchalik obyektlar allaqachon ishlamoqda.
Glava gosudarstva oznakomilsya s prezentatsiyey stroitelnix proyektov, realizuyemix v Novom Tashkente
© Press-slujba prezidenta Uzbekistana
Auksion natijalariga ko‘ra, 13 ta tijorat lotlari bo‘yicha 554 million dollarlik investitsiya shartnomalari imzolandi. Shaharda mehmonxonalar, restoranlar va yangi sayyohlik markazini tashkil etuvchi original binolar paydo bo‘ladi. Qurilish jarayoni 160 ming ish o‘rni, kelajakda esa IT, innovatsiyalar, ta’lim va tibbiyot sohalarida yuz minglab doimiy bo‘sh ish o‘rinlarini yaratadi.
Prezident investitsiyalar jalb etib, shinam dam olish va xizmat ko‘rsatish maskanlarini tashkil etish bo‘yicha tavsiyalar berdi.