TOShKENT, 20 avg — Sputnik. Toshkentda "Yevroosiyo" xalqaro mukofoti ta’sis etilishiga bag‘ishlangan matbuot anjumani bo‘lib o‘tdi.
Sputnik matbuot markazida bo‘lib o‘tgan anjumanda ishtirokchilar o‘z loyihalari haqida so‘zlab berishdi.
Sputnik matbuot markazida bo‘lib o‘tgan anjumanda ishtirokchilar o‘z loyihalari haqida so‘zlab berishdi.
Kuzatuv va ekspert kengashlari vakillari Mukofot konsepsiyasi, uning nominatsiyalari haqida aytib berishdi. Loyiha ishtirokchilari – MDH mamlakatlari vakillari esa o‘z tashabbuslarini taqdim etdilar.
O‘zbekiston Respublikasi Fanlar akademiyasi Davlat va huquq instituti katta ilmiy xodimi, "Yevroosiyo" xalqaro mukofoti Kuzatuv kengashi a’zosi Ravshan Nazarov ushbu mukofotning maqsadi Yevroosiyo qit’asida ijtimoiy, iqtisodiy va madaniy taraqqiyotni asrashga intilayotgan taniqli shaxslar va tashkilotlarni aniqlash, e’tirof etish va qo‘llab-quvvatlashdan iborat ekanligini ta’kidladi.
"Rossotrudnichestvo"ning O‘zbekistondagi vakolatxonasi rahbari Irina Staroselskaya Rossiya va O‘zbekistonni strategik sheriklik va ko‘p asrlik do‘stlik rishtalari birlashtirib turishini alohida ta’kidladi. Uning so‘zlariga ko‘ra, Yevrosiyo mukofoti mamlakatlar o‘rtasidagi aloqalarni mustahkamlovchilarni qo‘llab-quvvatlashning muhim vosita bo‘ladi.
Mukofotda ishtirok etish uchun allaqachon 21 davlatdan arizalar kelib tushgan. Eng ko‘p arizalar Rossiya, O‘zbekiston, Qirg‘iziston, Qozog‘iston, Belarus, Moldova, Armaniston va Katta Yevroosiyoning boshqa davlatlaridan kelgan. Xalq diplomatiyasining 100-yilligiga bag‘ishlangan alohida nominatsiyada talabalari ham, keksa avlod vakillari ham ishtirok etishi mumkin.
Jurnalistlarni qayta tayyorlash markazi direktori Gulnora Babadjonova bunday loyihalar mamlakatlar va xalqlarni birlashtirib, jiddiy o‘zgarishlar uchun umumiy makon yaratishini ta’kidladi.
"Mukofot turli tashabbuslarni birlashtiradi. Har bir ariza noyobdir, lekin ularning barchasi bir maqsad sari ishlaydi: Yevroosiyo mamlakatlari o‘rtasidagi aloqalarni mustahkamlash", - deya ta’kidladi u.
Jahon iqtisodiyoti va diplomatiya universitetining "Siyosatshunoslik" kafedrasi dotsenti Ra’no Tursunova Yevroosiyo – umuminsoniy qadriyatlar, madaniyatlarga hurmat va bag‘rikenglikka asoslangan yangi formatdagi muloqot maydoni ekanligini ta’kidladi.
"Yevroosiyo" xalqaro mukofoti Qit’a mamlakatlarining ijtimoiy, iqtisodiy va madaniyatlararo rivojlanishiga salmoqli hissa qo‘shgan shaxslar va tashkilotlarni jamoatchilik e’tirof etish va qo‘llab-quvvatlash, xalq diplomatiyasini rivojlantirish, tarixiy xotirani saqlash, postsovet hududidagi davlatlar o‘rtasidagi axborot to‘siqlarini yengib o‘tishga qaratilgan.
Mukofot sovrin jamg‘armasi 25 million rublni tashkil qiladi. Hujjatlar 31-avgustgacha qabul qilinadi.
Mukofot sovrin jamg‘armasi 25 million rublni tashkil qiladi. Hujjatlar 31-avgustgacha qabul qilinadi.
Mukofot asoschisi "Rossotrudnichestvo" bilan hamkorlikda ANO "Yevraziya" hisoblanadi. RT va Sputnik - axborot hamkorlari hisoblanadi.