TOShKENT, 14 avg – Sputnik. Markaziy Osiyo barqarorlik va barqaror rivojlanish makoni bo‘lib qolmoqda. Bu haqda O‘zbekiston tashqi ishlar vazirining birinchi o‘rinbosari Bahromjon A’loyev Toshkentdagi "Markaziy Osiyo – ishonch, xavfsizlik va barqaror taraqqiyotning umumiy makoni" VIII Markaziy Osiyo ekspertlari forumida (MOEF) ma’lum qildi. Bu haqda "Dunyo" axborot agentligi xabar berdi.
A’loyev forum mintaqa davlatlari rahbarlarining Maslahat uchrashuvlari doirasida tashkil etilgan birinchi besh tomonlama format ekanini ta’kidladi.
Uning so‘zlariga ko‘ra, maydoncha yillar davomida asosiy masalalar bo‘yicha fikr almashish va takliflar ishlab chiqish uchun nufuzli mexanizm sifatida o‘zini namoyon etdi. Qo‘shma sa’y-harakatlar tufayli o‘zaro ishonch mustahkamlandi, savdo-iqtisodiy hamkorlik kengaydi va muhim loyihalar ilgari surildi.
Joriy forumning asosiy vazifasi –noyabr oyida Toshkentda bo‘lib o‘tadigan Markaziy Osiyo davlatlari rahbarlarining yettinchi maslahat uchrashuvi kun tartibini amaliy takliflar bilan boyitish.
A’loyev qisqa muddatda amaliy hamkorlikning tizimli mexanizmlari – normativ-huquqiy baza, tarmoq formatlari, milliy koordinatorlar instituti, “yo‘l xaritalari” va konsepsiyalar yaratilganini qayd etdi. Zamonaviy tahdidlarga javob beradigan yangi hamkorlik rejimi joriy etilgan.
“Global noaniqlik sharoitida Markaziy Osiyo barqarorlik va izchil taraqqiyot makoni bo‘lib qolmoqda”, – dedi diplomat. Uning so‘zlariga ko‘ra, mintaqa jahon siyosatining yagona subyekti sifatida harakat qilmoqda.
“Markaziy Osiyo plyus” formatidagi xalqaro maydonlar soni uchtadan o‘n birtaga yetdi. Bu universal format ishtirokchi davlatlar 80 milliondan ortiq aholisini birlashtirdi.
O‘zbekiston raisligi davrida 20 tadan ortiq tadbir, jumladan, siyosiy birlashuv va asosiy tarmoq masalalariga bag‘ishlangan uchrashuvlar o‘tkaziladi. Yil boshidan buyon xavfsizlik, energetika, suv va ekologiya, sanoat sohalari bo‘yicha vazirlar uchrashuvlari, shuningdek media va yoshlar forumlari o‘tkazildi.