TOShKENT, 13 avg – Sputnik. Kiyev rejimi 15-avgustga belgilangan Rossiya-Amerika muzokaralarini barbod qilish uchun provokatsiya tayyorlamoqda, deya ma’lum qildi Rossiya Mudofaa vazirligi
Ta’kidlanishicha, shu maqsadda 11-avgust kuni bir guruh xorijiy OAV jurnalistlari Ukraina Xavfsizlik xizmati avtomashinalarida Xarkov viloyatining Chuguyev shahriga “shaharning front zonasi aholisi haqida bir qator xabarlar tayyorlash” niqobi ostida yetkazilgan.
“Juma kuni sammit oldidan Ukraina Qurolli Kuchlari aholi zich joylashgan turar-joylardan biriga yoki ko‘p sonli jabrlangan tinch aholi bo‘lgan shifoxonaga dron va raketalardan foydalangan holda provokatsion zarba berishni rejalashtirgan, bu esa olib kelingan G‘arb jurnalistlari tomonidan darhol “qayd etib olishi” rejalashtirilgan”, - deyiladi Rossiya Mudofaa vazirligi bayonotida.
Kiyev rejimining provokatsiyasi oqibatida zarba va tinch aholi orasidagi qurbonlar uchun javobgarlik OAVda salbiy fon yaratish va Ukrainadagi mojaroni hal qilish bo‘yicha Rossiya-Amerika hamkorligini buzish uchun sharoit yaratish maqsadida Rossiya Qurolli kuchlariga yuklanadi.
Qo‘shimcha qilinishicha, provokatsiyalar Kiyev rejimi nazoratidagi boshqa aholi punktlarida ham sodir bo‘lishi mumkin.