TOShKENT, 28-iyul – Sputnik. 2-avgustdan Toshkent metrosining yer usti halqa yo‘li yo‘nalishidagi "Texnopark" — "Yangiobod" bekatlari oralig‘ida metro poyezdlari harakati vaqtincha to‘xtatiladi. Bu haqda poytaxt metropoliteni matbuot xizmati xabar berdi.
Ta’kidlanishicha, bu yo‘nalishdagi bekatlarda rejali profilaktik ishlar amalga oshiriladi.
Metropoliten "Texnopark — Qipchoq — Texnopark" metro bekatlari oralig‘ida bepul xizmat ko‘rsatuvchi katta sig‘imli avtobuslar (metrobus) harakatini yo‘lga qo‘yadi. Ularning kunlik ish vaqti tongi soat 05:00 dan tungi soat 23:00 ga qadar bo‘ladi.
Eslatib o‘tamiz, xuddi shu yo‘nalishdagi qolgan bekatlar ham 8-iyundan va 28-iyundan vaqtincha yopilgandi.